គន្លឹះសន្សំសំចៃថាមពលថ្មនៅក្នុង iOS 8 សម្រាប់ iPhone
អ្នកប្រើប្រាស់ Smart Phone ភាគច្រើនតែងជួបប្រទះនឹងបញ្ហាការប្រើប្រាស់ថាមពលថ្មមិនបានយូរ ដោយសារតែលក្ខណៈពិសេសៗរបស់ Smart Phone ទាំងនោះហើយទើបធ្វើឱ្យទូរស័ព្ទស៊េរីទំនើបទាំងនោះមិនអាចកាន់ថ្ម បានយូរដូចជាទូរស័ព្ទស៊េរីចាស់ពីមុនដូចជាពពួក N ចុចពិលជាដើម ។ វាជាបញ្ហាធម្មតាទៅហើយសម្រាប់អ្នកប្រើប្រាស់ទូរស័ព្ទដែលប្រើប្រាស់ ប្រព័ន្ធប្រតិបត្តិការទំនើប ដូចជា iPhone, iPad ជាដើម ។
1. កំណត់ឱ្យឃើញថាកម្មវិធីណាដែលចំណាយថាមពលថ្មខ្លាំងជាងគេ
ជាដំបូងអ្នកត្រូវថាតើកម្មវិធីមួយណាដែលប្រើប្រាស់ថាមពលថ្ម អស់ច្រើនជាងគេ ដោយសារតែ Apple ទើបតែបានដាក់បន្ថែមនូវលក្ខណៈ Battery Usage ដែលបង្ហាញពីភាគរយនៅការប្រើប្រាស់ថាមពលរបស់កម្មវិធីនិមួយៗ។ ដើម្បីប្រើប្រាស់ថាមពលថ្មដោយមានប្រសិទ្ធភាពអ្នកគួរតែបិទ កម្មវិធីមួយចំនួននៅពេលដែលអ្នកមិនប្រើប្រាស់។ ហើយដើម្បីចូលទៅមើលថាតើកម្មវិធីណាប្រើប្រាស់ថាមពលថ្មអស់ច្រើន ជាងគេនោះសូមចូលទៅ Settings => General => Usage => Battery Usage ។
2. បិទ Background App Refresh
វាដូចទៅនឹង iOS 7 ដែរ ដែលអ្នកគួរតែបិទ Background App Refresh ដែលវាមិនអនុញ្ញាតឱ្យកម្មវិធីមួយចំនួនដំណើរការនៅពេលអ្នក មិនប្រើប្រាស់ (Background Running) ដូចជា Facebook, Mail ឬកម្មវិធី Social Media ផ្សេងទៀតជាដើម ដែលភាគច្រើនដំណើរការនៅពេលអ្នក បើក Cellular ឬ Wifi ដែលធ្វើឱ្យ iPhone/ iPad របស់អ្នកឆាប់អស់ថាមពលថ្មជាងធម្មតា។ ដើម្បីចូលទៅបិទ Background App Refresh សូមចូលទៅ Settings => General => Background App Refresh ។
3. ជ្រើសរើស Notification Widgets ដែលគួរដាក់
នៅទីបំផុត iOS 8 មាន widgets ដែលអនុញ្ញាតអ្នកចូលទៅជំនួនដំណឹង (Notification Center) ដែលស្ថិតនៅខាងលើនៅពេលដែលអ្នកទាញចុះមក ។ នៅក្នុងជំនួនដំណឹងនិមួយទាំងនោះអាចជាមានដូចជា ព្រិត្តិការណ៍នៅក្នុងប្រតិទិន Reminder ពត៌មាន Stock ពត៌មានអាកាសធាតុ ជាដើមសុទ្ធតែធ្វើការទាញទិន្នន័យជាញឹកញាប់នៅក្នុង iOS 8 នោះរាល់ Widgets ទាំងនោះក៏បឺតជញ្ជក់ថាមពលថ្មនៅក្នុង iPhone/iPad របស់អ្នកផងដែរ។ ដំណឹងល្អ! widgets នៅក្នុង iOS 8 អាចត្រូវបានជ្រើសរើសយកមកបង្ហាញដូចនេះអ្នកអាចធ្វើជ្រើសរើស នូវ Widgets ណាដែលចាំបាច់សម្រាប់អ្នកដើម្បីទទួលបានជំនួនដំណឹងពីវា ។
4. បើក Reduce Motion
icon នៅក្នង iPhone/iPad តែងមានចលនាដែលចលនានេះធ្វើឱ្យអ្នកប្រើប្រាស់មានអារម្មណ៍ថាវាឡូយ ហើយមើលទៅវាដំណើរការរលូន និងលឿន (Smooth)។ ប៉ុន្តែអ្នកមានដឹងទេថាចលនាទាំងនេះវាធ្វើឱ្យ iPhone/iPad របស់អ្នកប្រើប្រាស់ថាមពលថ្មច្រើនផងដែរ។ អ្នកអាចចូលទៅកាត់បន្ថយនូវចលនាទាំងនោះបានដោយចូលទៅបើក Reduce Motion ៖ Settings => General => Accessibility => Reduce Motion ហើយបើក ( Turn On) ។
5. គួរបិទកម្មវិធី Location-Tracking
កម្មវិធីកំណត់ទីតាំងរបស់អ្នកនៅក្នុង iOS វាមានគុណសម្បត្តិនៅពេលអ្នកត្រូវការ ទិសដៅពី GPS ឬនៅពេលដែលអ្នកចង់កំណត់ទីតាំងនៅពេលដែលអ្នកបានថតរូប។ ហើយរឹតតែចាំបាច់ទៅទៀតនោះអ្នកអាចនៅពេលដែល iPhone របស់អ្នកត្រូវបានបាត់នោះវាអាចជួយប្រាប់អ្នកពីទីតាំងចុងក្រោយ របស់ iPhone។ ប៉ុន្តែគុណសម្បត្តិតែមកជាមួយនឹងគុណវបត្តិជានិច្ច ដោយសារតែនៅពេលដែលអ្នកបើក Location-Tracking វាចំណាយថាមពលថ្មរបស់អ្នកយ៉ាងខ្លាំង។ ប្រសិនបើអ្នកចង់ប្រើប្រាស់ថាមពលថ្មបានច្រើនម៉ោងជាងនេះអ្នកគូរ បិទ Location-tracking app ចោលទៅ ៖ Settings => Privacy => Location Services ឬ អ្នកអាចបិទកម្មវិធីដែលមានលក្ខណៈជា location tracing ម្តងមួយៗតែម្តង ។
6. បន្ថយពន្លឺ (Brightness)
មិនថាទូរស័ព្ទអ្វីទេឱ្យតែបើកពន្លឺភ្លឺខ្លាំង នោះវានិងចំណាយថាមពលថ្មច្រើនជាងធម្មតាជានិច្ច។ អ្នកគួរបន្ថយពន្លឺអេក្រង់ឱ្យទាបត្រឹមកម្រិតដែលអ្នកអាចមើលបានងាយ ដោយមិនចាំបាច់ប្រើប្រាស់ពន្លឺពេកនោះទេ។ ហើយក្នុងការបន្ថយពន្លឺនៅក្នុង iPhone មានពីររបៀបគឺបន្ថយនៅក្នុង Control Center ឬ ចូលទៅ Settings > Wallpapers & Brightness ។
7. កុំឱ្យទូរស័ព្ទអ្នកធ្វើការទាញទិន្នន័យ Mail ដោយខ្លួនឯង
ការឆែក Mail ជាប្រចាំវាពិតជាចាំបាច់ណាស់ដែលត្រូវឱ្យទូរស័ព្ទរបស់អ្នកបំពេញ ពត៌មាន Email សម្រាប់អ្នកនិងផ្តល់ជំនូនដំណឹងសម្រាប់អ្នកគ្រប់ពេលនោះប៉ន្តែអ្នក ដឹងទេថាការដែលឱ្យទូរស៌ព្ទរបស់អ្នកភ្ជាប់និងការបំពេញ Mail ជាប្រចាំដោយខ្លួនឯងនេះវាចំណាយថាមពលថ្មក៏មិនតិចដែរព្រោះថា ទោះជាគ្មាន Mail ថ្មីផ្ញើរមកក៏ដោយក៏វានឹងតែទន្ទឹងរកមើល Mail ថ្មីជានិច្ច។ ដូចនេះអ្នកគួរតែបិទវាហើយធ្វើការឆែក Mail របស់អ្នកតាម App និងធ្វើការទាញ Mail ថ្មីនៅពេលដែលអ្នកចង់មើលទើបជាការប្រសើរសម្រាប់ថាមពលថ្មរបស់ iPhone/iPad របស់អ្នក ៖ Settings => Mail, Contacts, Calendars => Fetch New Data ។
