Programming Language គឺ ជាមធ្យោបាយមួយក្នុងការទំនាក់ទំនងរវាងអ្នកសរសេរកម្មវិធី និងម៉ាស៊ីនកុំព្យូទ័រ។ ភាសា Programming មានច្រើន ដូចជា A# .NET, A+, ActionScript, Assembly, …., XQuery, YQL, Zeno, ZOPL ជាដើម។ ដូចនេះ សំបុកអាយធី សូមណែនាំភាសា Programming ទាំង ១០ ដែលលោកអ្នកគួរតែស្វ័យសិក្សាសម្រាប់ឆ្នាំ ២០១៤នេះ ដែលក្នុងនោះរួមមានដូចតទៅ៖
១. ភាសា Java
Java គឺជាភាសា Programming មួយ ដែលមានលក្ខណៈជា class-based, object-oriented ដែលបង្កើតឡើងដោយក្រុមហ៊ុន Sun Microsystems ក្នុងទសវត្សទី ៩០។ ភាសាមួយនេះជាភាសាដែលពេញនិយមមានតម្រូវការច្រើន ពិសេសសម្រាប់សរសេរកម្មវិធីសម្រាប់សហគ្រាសធំៗ កម្មវិធីប្រភេទ web-based ហ្គេម និងកម្មវិធីសម្រាប់ទូរស័ព្ទ ចាប់គិតពីស៊េរី Nokia S40 រហូតមកដល់ Android។ Java ត្រូវបានបង្កើតឡើងឲ្យមានលទ្ធភាពដំណើរការលើ platform ច្រើនខុសគ្នា ដូចជា កម្មវិធីសរសេរក្នុង Mac OS X អាចដំណើរការលើ Windows ជាដើម។
២. ភាសា C
C Programming គឺជាភាសាដំបូងគេ ចំណាស់ជាងគេ និងត្រូវបានប្រើប្រាស់ទូលំទូលាយជាងគេ សម្រាប់ការបង្កើតកម្មវិធីផ្សេងៗ។ ភាសានេះត្រូវបានបង្កើតឡើងក្នុងទសវត្សទី ៧០ ដែលភាគច្រើន ត្រូវបានប្រើប្រាស់សម្រាប់បំពេញលើប្រព័ន្ធប្រតិបត្តិការ (operating system) និងកម្មវិធីប្រភេទ embedded application។ ភាសានេះអាចចាត់ទុកថាជាភាសាមូលដ្ឋាន (Foundation) សម្រាប់រៀនភាសាដទៃ ដូចនេះលោកអ្នកគួរតែរៀន C មុនពេលឈានចូលភាសាដទៃផ្សេងទៀត។
៣. ភាសា C++
C++ ជាភាសាមួយ ស្ថិតក្នុងកម្រិតមធ្យម (Intermediate-Level Language) ជាមួយនឹងលក្ខណៈពិសេស Object-Oriented Programming ដែលជាការបំពេញបន្ថែមពីលើភាសា C។ ភាសា C++ ត្រូវបានប្រើប្រាស់ក្នុងការសរសេរកម្មវិធីល្បីៗជាច្រើនដូច ជា Firefox, Winamp និងកម្មវិធី Adobe។ ភាសានេះក៏ត្រូវបានប្រើប្រាស់ ក្នុងការបង្កើត Systems software, application software, high-performance server និង client applications ព្រមជាមួយនឹង video gamesផងដែរ។
៤. ភាសា C#
C# ឬ C-sharp គឺជាភាសាដែលមានលក្ខណៈជា Multi-Paradigm ដែលបង្កើតឡើងដោយក្រុមហ៊ុន Microsoft ។ ភាសានេះ ជាភាសា ដែលលក្ខណៈបញ្ចូលគ្នារវាង C និង C++ និងត្រូវបានប្រើប្រាស់សម្រាប់សរសេរកម្មវិធីសម្រាប់ Microsoft Windows platforms។
5. ភាសា PHP
PHP (Hypertext Processor) គឺជាភាសាដែលមានលក្ខណៈ Server-Side scripting ដែលត្រូវបានប្រើប្រាស់សម្រាប់បង្កើត Dynamic Websites និងកម្មវិធីមួយចំនួន ។ PHP ត្រូវបានប្រើប្រាស់ក្នុងការសរសេរគេហទំព័រផ្សេងៗ ច្រើនជាង ២០០ លានគេហទំព័រ ដែលក្នុងនោះក៏មាន Wordpress, Digg និង Facebook ផងដែរ។
